Drejtori i Urgjencës Kombëtare, Skënder Brataj, ka deklaruar se mutacionin e covid-19 nuk e sheh si diçkam alarmante.
Sipas tij, koronavirusi ka pësuar një mutacion shumë të ngadaltë, duke rritur vetëm shpejtësinë e përhapjes por jo të dëmtimeve në trupin e njeriut.
Gjatë një interviste televizive Brataj tha se, ardhja e vaksinës do ta shpëtojë Shqipërinë.
“Dalja e versioneve të tjera të koronavirusit në Britani akoma nuk ka siguri që këto mutacione se çfarë përcjellin. Ka një rritje të infeksionit por jo të virulencës, pra të dëmtimit që shkakton.
Kjo na lë pak më të qetë por u morën masa sepse është një e panjohur që do të tregojë rezultatet më vonë”, tha Brataj./Gazetareforma.com/
