Votimi me kryq te emri i anëtarëve të PD-së, ishte metoda e përdorur në vlerësimin e listës me kandidatë për deputetë. Por, kjoështë bërë objekt ironie tek kritikët e Bashës.
Ish-anëtari i Këshillit Kombëtar, Edvin Kulluri, thotë se me votimin me kryq te emri, Basha do t’i sigurojë kryeministrit Edi Rama fitore të sigurtë.
Sipas tij në votimet e 25 prillit njerëzit do të do të vënë kryq te Rama dhe kandidatët e PS, dhe në këtë mënyrë ai do të marrë 95% te votave.
“Bravo Luli, bravo! Me këtë votimin me kryq te emri që nuk duan demokratet për kandidat për deputet, do shkojnë njerëzit të vënë kryqe tek Edi Rama dhe kandidatët e PS! Do e nxjerrësh Ramën me 95% të votave. Fitorja do jetë e sigurt. Jepi”, shkruan Kulluri në një postim në rrjetet sociale.
Dje u mbyll procesi i numërimit të votave në Partinë Demokratike në Tiranë nga ana e anëtarësisë, të cilët kanë votuar mes 140 emrash të propozuar për kandidatë për deputetë. Sipas njoftimeve zyrtar u vërejt se ka pasur një numër më të vogël votuesisht krahasuar me shifrën e atyre që kishin të drejte vote.
/Gazeta Reforma/
