Ish-ministrja për dialogun mes Kosovës dhe Serbisë, Edita Tahiri ka reaguar ashpër pas deklaratës së Edi Ramës për ndërmjetësim të bisedimeve mes dy vendeve. Tahiri shkruan në një postim në rrjetet sociale se është mirë që Rama të mos e përmend më një gjë të tillë pasi njëherë që ndërhyri bëri gabimin historic duke tentuar të ndryshonte kufijtë e Kosovës në favor të Serbisë dhe skenarëve të Vuçiç dhe Millosheviçit.
Postimi i plotë i Tahirit:
“Degjova se Edi Rama e paska permend dialogun Kosove-Serbi ne nje kontekst ndermjetesimi. Eshte mire qe kurr mos ta permend ma sepse njehere kur nderhyri beri gabim historik duke tentuar qe ti ndryshoj kufijte e Kosoves ne favor te Serbise e skenareve serbomedha te Vuciqit e Millosheviqit!”- shkruan ajo.
Kujtojmë që kryeministri Edi Rama foli për dialogun mes Kosovës dhe Serbisë pak ditë më parë pas takimit me presidentin francez Emmanuel Macron. I pyetur nëse Macron i kishte kërkuar që të ndërmjetësonte një dialog mes dy vendeve, Rama tha se nuk mendonte se ishte njeriu i duhur për këtë çështje. Kjo sipas tij sepse ai është vetë palë dhe natyrisht që do të vendoste në të mirë të interesave të shqiptarëve në një ndërmjetësim të mundshëm..
