Nga Irena Beqiraj
“Fushatë me këngë e valle! Hapja e fushatës së Partisë Socialiste kishte shumë muzikë e valle edhe aspak mesazhe edhe ide politike . Ka disa arsye për ketë ! Së pari në Shqipëri kënga dhe vallja krijojnë një kohezion të veçantë.
Sic thoshte dikur plot ironi Konica rasti i vetëm ku shqiptarët bashkëpunojnë dhe kordinohen mes tyre është kur kërcejnë valle’. Por përveç kësaj, këto lloj shfaqjesh nuk janë të panjohura në populizmin bashkëkohor. Partia socialiste në mungesë të mesazheve, edhe e zbrazur nga idetë e reja politike po ushtron atë që Carlos de la Torre, profesor i sociologjisë në Universitetin e Kentakit, e quante “aftësia e populizmit per të mjegulluar kufirin midis politikës dhe argëtimit.Duke ofruar kënaqësinë muzikore me të cilën njerëzit janë mësuar edhe pëlqejnë partia socialiste po përpiqet të përcjellë ndjenjën e vazhdimësisë dhe sigurisë duke u përpjekur të thyej ‘kufijtë’ midis njerëzve të pushtetshëm edhe njerëzve të zakonshëm. Ndërsa kërcimi si mjet bashkëpunimi dhe kordinimi po përdoret nga populistët socialistë si vetmja strategji e legjitimimit politik që synon të ndikojë tek njerëzit duke i unifikuar ata psikologjikisht.
Thënë këtë qëllimi i kësaj fushate njësoj si edhe asaj të vitit 2023, nuk eshte modifikimi i ideve apo trasformimi i opinioneve tona , përkundrazi qëllimi i saj është është fare bazik ‘të ngjallë besim emocional’. Pra nxitja emocionale është rruga e e vetme të mbetur për arritjen e qëllimit për partinë socialiste.
Teksa në 2025 në hapjen e fushatës politike kërcehet e këndohet ‘vish fustanin me toka hajde edhe moj fjerake-ja’ ja vlen të nderojmë Aktivistin politik skoces të viteve 1650 Andrew Fletcher për vrojtimin e tij të vërtetë edhe pas 5 shekujsh. Ai thoshte ‘Nëse kombi është i varfër, i paditur, i pafatë për të kuptuar lidhjen midis shkaqeve dhe pasojave, më lini të ofroj këngët që pëlqejnë kombit edhe nuk ka më rëndësi se kush shkruan ligjet e tij!” shkroi ajo në postimin e saj në Facebook.
