”Unë nuk gjobis asnjeri”, deklaroi kryeministri Edi Rama i ftuar në emisionin ‘’Real Story’’ të Sokol Ballës. Ai ka folur për incidentin me Islamin, që u shoqërua në komisariat.
”Unë nuk gjobis asnjeri, dhe kjo është çudi e madhe. Është Policia që ka detyrën. Policia e Shtetit, ju kujtoj se mbase keni harruar ka meritën që ka disiplinuar ministrat e këtij shteti. Edhe deputetët. Kur ne kemi ardhur në qeveri. Se disa ministra kanë marrë gjoba, makina eskorta. Jo pak deputetë. Dhe parkimi i makinave para parlamentit, që bëheshin si raqi raqi rikiko praktikisht mbaroi.
Nëse gjobisin ministra e deputetë, nuk shoh të ketë si akt politik, kur u gjobit Kryemadhi e Kastriot Islami.
Është çudi e madhe, mirë Islami ka të drejtë të bëjë siç është mësuar të persekutuarin politik, se nuk ka qenë asnjëherë në jetë. Unë s’kam asnjë sekondë të humb me Islamin”, deklaroi kryeministri me arrogancë.
Ish deputeti Kastriot Islami u shoqërua në polici për mosmbajtjen e maskës dhe se nuk kishte me vete dokument identiteti. Islami akuzoi Ramën si njeriu që urdhëroi dhe e mbajti në izolim për 30 minuta në polici. Ndërsa, kryetarja e LSI-së, Monika Kryemadhi ka deklaruar se nuk do ta zbatojë këtë urdhër të qeverisë.
