Kryeministri Edi Rama, gjatë një interviste mbrëmjen e djeshme në emisionin “Real Story”, teksa filte për reformën zgjedhore, tha se ftesat e tij nuk ishin marrë seriozisht nga opozita e bashkuar.
Ndër të tjera shefi i qeverisë shigjetoi edhe kreun e LZHK, Dashamir Shehin dhe tha se nga ai ka marrë mbrapsh gromësirat e rakisë, ndërsa e imitonte duke folur.
Shehi ka reaguar ditën e sotme për “Faxweb”, duke thënë se jashtë Europe nuk e la rakia e tij, por krimi dhe korrupsioni.
Më tej ai shtoi, se nuk do të merret kurrë me jetën personale të Ramës, as me kokainën që ai pi.
Kreu i LZHK ka përsëritur edhe njëherë akuzat ndaj kryeministrit, duke e cilësuar si njeriu që kriminalizoi Shqipërinë dhe që po detyron të rinjtë të largohen nga vendi.
Për opozitën që ndodhet sot në Parlament, Shehi tha se është krijuar nga Rama dhe po përdoret për intereat e tij.
“Jam mësuar nuk është hera e parë që e bën. Jashtë europës nuk të lë rakia, por na lë krimi dhe korrupsioni i këtij njeriu bashkë me bandën e tij. Ne nuk merremi as me rakinë, as me ato që ai vesh, apo me kokainën që pi, ne do të flasim për gjëra serioze. Unë nuk do të merrem ndonjëherë me jetën e tij personale, ishalla po hudhet nga ballkoni, unë do të merrem gjithnjë me shqiptarët dhe varfërinë që ky po u shkakton atyre. Kur të ikë nga politika le të shajë sa të dojë, zoti kryeministër në historinë e Shqipërisë ju më rezultoni që jeni hajduti më i madh, për këto të tjerat të përgjigjemi sa të duash. Se kush është ky e di gjithë Shqipëria, se kë kemi për familje, kë kemi për grua, e dinë të gjithë njerëzit. Ky është njeriu që kriminalizoi Shqipërinë, ky është njeriu që po bën që të na largohen fëmijët jashtë vendit. Ka pasur një shprehje të vjetër që thoshte të rëntë hasmi i mirë, dhe vërtetë që duhet të jetë edhe sot kjo shprehje, se përballë kemi një njeri që nuk reflekton. Termat opozitë parlamentare dhe joparlamentare i ka shpikur vetë Edi Rama, ne dolëm nga parlamenti, se e quajtëm atë të pavlefshëm. Grupet që janë sot në Kuvend janë krijuar nga Rama, ata vetë mund të përdoren sipas intersave të Ramës. Nuk mund të ndjekim këtë vizatim persvers që Edi Rama i ka bërë opozitës dhe Kuvendit”, u shpreh Shehi.
