Pas ngjarjes makabre në familjen Buci, ku Faik dhe Shkëlzen Buci vranë vajzën e motrën e tyre, Eglantina Bucin, një tjetër rast tronditës është zbuluar.
Ish-zyrtari i lartë i Policisë së Shtetit, Arben Hajdarmataj, ka rrëfyer një tjetër histori rrënqethëse.
I ftuar në një emision televiziv, Hajdarmataj ka treguar një histori të disa viteve më parë, gjatë kohës kur ka qenë shef komisariati. Ish-shefi i policisë ka rrëfyer se si një baba kishte vrarë vajzën e tij dhe më pas kishte kërkuar që ta varrosë me pretendimin se kishte humbur jetën nga zemra.
“Ka qenë një rast ku babai ka vrarë vajzën se u nda nga burri. Fati i mirë që prokurori ishte i vëmendshëm dhe e zbuloi ngjarjen. Kam qenë shef i atij komisariati. Kanë dashur ta varrosin në mënyrë normale, sikur ka vdekur nga zemra. Fati i mirë që prokurori e zbuloi”, ka thënë ish-zyrtari i lartë policor.
