Një ngjarje e rëndë ndodhi tre ditë më parë në Australi. Një 20-vjeçare shqiptare humbi jetën në makinën e saj, pasi i ati e qëlloi me thikë për vdekje.
Sabrina Lekaj mbeti e pajetë pas një zënke me babain e saj, Petrit Lekaj pasi e kishte kaluar natën duke festuar me miqtë e saj.
49-vjeçari nuk kishte qenë dakort që vajza e tij të shkonte në festë, ndaj edhe 20-vjeçarja e dinte që i ati i saj do të inatosej së tepërmi me të.
Shqetësimin e saj, ajo madje ua kishte shprehur edhe shoqeve të saj të ngushta, ku u kishte thënë se kur të mbërrinte në shtëpi do i njoftonte me një mesazh në telefon.
49-vjeçari pasi kreu krimin e rëndë, ka tentuar edhe të vetëvritet, duke shkaktuar plagë në pjesën e barkut. Këto ditë, autori i ngjarjes ka qenë nën kujdesin e mjekëve, ku ditën e sotme mësohet se është bërë i mundur edhe arrestimi i tij, pasi vëzhgohej nga policia.
Nisur edhe nga gjendja e tij shëndetësore, ku ende është nën vëzhgimin e mjekëve për çdo komplikacion të mundshëm, Petrit Lekaj nëpërmejt një video-telefonate nga spitali ka realizuar kështu edhe takimin e parë me Gjykatën në Adelaide, Australi.
Pasi gjendja e tij të përmirësohet edhe më shumë, 49-vjeçari do të mbahet në paraburgim për procedurat e proceset gjyqësore të mëtejshme.
Sabrina Lekaj, ishte studente në Universitetin e Australisë Jugore. Ajo kishte një marrëdhënie të paqëndrueshme me prindërit, gjë të cilën ua kishte rrëfyer edhe miqve. Adoleshentja nuk donte që të jetonte më në një çati me prindërit, të cilët e kishin quajtur edhe k*rvë.
Sabrina u gjet e vdekur në makinën e saj në Adelaide, pranë shtëpisë së saj.
Një nga shoqet e ngushta të Sabrinës ka thënë për mediat e huaja se ajo ishte një pianiste e shkëlqyer po ashtu. Shoqja e saj Jana Fandi, ka treguar se ishte shumë e talentuar dhe se vdekja e saj është një tragjedi që i ka tronditur të gjithë shokët e saj.
