QSUT ka dhënë një lajm tronditës sot, ku raportohet se në pediatrinë e Spitalit Infektiv, ka ndërruar jetë një foshnje 16-muajshe.
Bëhet me dije se foshnja 16 muajshe, kishte dhe komplikacione të tjera dhe ishte shtruar me urgjencë që ditën e djeshme në Pediatrinë e Infektivit i njohur si Spitali Covid 1.
Ende nuk është e qartë se si i është transmetuar koronavirusi foshnjes 16 muajshe dhe shkaku zyrtar i vdekjes së saj, por është raportuar se foshnja me inicialet A.K. nga qyteti i Durrësit, ishte infektuar me covid dhe më pas kishte pësuar hemorragji.
Kujtojmë se ky është rasti i parë në Shqipëri, ku një foshnje ndërron jetë pas infektimit me covid-19.
Ndërkohë vetëm ditën e djeshme janë raportuar se katër fëmijë të prekur nga Covid-19 ndodheshin të shtruar në pavionin e pediatrisë së QSUT-së, ku dy prej tyre kanë qenë në reanimacion./GazetaReforma.com/
