Një tjetër mjek është ndarë nga jeta si pasojë e infektimit me COVID në vendin tonë. Bëhet fjaël për mjekun e njohur Petro Shamo, i cili më parë ka mbajtur edhe postin e shefit të spitalit Infektiv në Tiranë. Mësohet se Shamo ka qenë prej 5 ditësh i shtruar në spital, por fatkeqësisht nuk ka mundur të fitojë betejën me virusin vdekjeprurës. Mjeku ka ndërruar jetë në moshën 78-vjeçare pasi u ka shërbyer qytetarëve për vite me radhë. Mjeku Petrit Shamo është i radhës nga bluzat e bardha që ndërron jetë si pasojë e COIVD. Ndërkohë, vetëm katër ditë më parë ndërroi jetë një tjetër mjek. Bëhet fjalë për mjekun Llambro Bala nga Vlora, që kishte shërbyer për vite si dermatolog.
Mjekët vazhdojnë të ndërrojnë jetë në Shqipëri, ndërsa nuk po iu jepet prioritet në vaksinim dhe procesi në vendin tonë po ecën me ritme shumë të ngadalta. Dozat e mbërritura të vaksinës janë në numër shumë të pakët dhe ata që do vaksionohen po përzgjidhen sipas statusit social. Ndërkohë, situata nga koronavirusi vazhdon të jetë e rëndë, ndërsa vetëm ditën e djeshme janë shënuar 1071 raste të reja dhe kanë humbur jetën 19 persona. në spitale janë të shtruar 618 persona, nga të cilët 41 në terapi intensive dhe 12 të intubuar.
