Hekuran Billa, 40-vjeçari i ekzekutuar një natë më parë në zonën e Komunës së Parisit është qëlluar me 11 plumba silenciator, të cilat janë gjendur në automjetin e tij.
Ai u qëllua për vdekje teksa ishte po ngiste makinën e tij.
Në të shkuarën e viktimës fshihen ngjarje të mëdha që mbase këto kanë qenë edhe arsyet që i kanë kushtuar jetën.
Hekuran Billa rezulton se është dënuar me burgim të përjetshëm në Angli për vrasjen e një 22-vjeçari të identifikuar si Prel Marku , ndërsa plagosi dy të tjerë, Petrit Brahoj, Agron Gjoni.
Gjithashtu Billa njihet si me “reputacion” në rrjetin e trafikut të femrave dhe të lëndëve narkotike.
Por si lindi konflikti që çoi në një të vrarë dhe dy të plagosur?
Mediat angleze i kanë kushtuar vëmendje ngjarjes së ndodhur asokohe.
Ato kanë shkruar se ngjarja në fjalë ka ndodhur për shkak të konfliktit për territore mës anëtarëve të mafias shqiptare.
Sipas “Abcneës”, bandat shqiptare kishin krijuar një skemë vjedhje të makinetave të pagesave në parkingje, në qytetin e Ëestminster.
Anëtarët e bandës këtë skemë e kishin përhapur më pas edhe në qytete të tjera, por patën mosmarrëveshje, për mënyrën e ndarjes së zonave.
Këtu lind edhe konflikti mes tyre, që çoi në një të vrarë dhe dy të plagosur.
Tensionet dhe kërcënimet u përshkallëzuan, dërisa Petrit Brahoj, 31 vjeç, dhe rivali i tij Hekuran Billa (Herland Bilali) , u përplasën fizikisht natën e 13 tetorit 2006.
Ngjarja ndodhi në një klub ku Hekuran Billa dhe Kujtim Spahiu hapën zjarr.
Prel Marku, 22 vjeç, u qëllua në kokë dhe humbi jetën, ndërsa shënjestra e sulmit Petrit Brahoj u qëllua tre herë dhe mbijetoi.
Po ashtu i plagosur në këmbë mbeti edhe Agron Gjoni.
Ndërsa pronari i klubit, Musa Prahmani, dhe një klient tjetër shpëtuan pasi u hodhën nga dritarja e katit të dytë.
Mësohet se Kujtim Spahiu u dënua me 33 vite burg, pasi u arrestua dy ditë pas ngjarjes.
Hekuran Billa, autori kryesor i sulmit u dënua në vitin 2008 me burgim të përjetshëm.
