Një aksident me pasoja fatale ka ndodhur ditën e sotme në Itali ku një shqiptar i cili po kalonte vijat e bardha në zonën e quajtur Livorno për të blerë një shishe ujë në një lokal, papritur është goditur nga një Porsche me shpejtësi të lartë.
Muratori Gazment Bushi kishte dalë për një darkë me miqtë në Tarracën Mascagni teksa kishte lënë në shtëpi gruan bashkë me dy fëmijët e vegjël.
Ai shoqërohej nga një mik kur po kalonte rrugën, teksa drejtuesi I automjetit tip “Porsche” në gjendje të dehur e përplasi për vdekje duke e hedhur në një largësi mbi 100 metra në asfalt.
Gazment Bushi punonte murator në Itali në firmën e vëllait të tij, Edli Bushi teksa ishte i treti nga pesë vëllezërit.
Shërbimet e emergjencës së bashku me policinë kanë mbërritur menjëhëre në vendin e ngjarjes ku ka ndodhur aksidenti me pasoja fatale, nga ku kanë dhënë edhe ndihmën e parë.
Kanë qenë kalimarët e rastit ata të cilët kanë dhënë ndihmën e parë të aksidentuarit nga ku dhe më pas kanë njoftuar policinë dhe ambulancën në lidhje me ngjarjen që kishte ndodhur.
Bushi u transportua i gjallë në spital falë masazhit kardiak, por dëmtimi i rëndë në kokë ia bëri të pamundur mbijetesën.
Shoferi 33-vjeçar i cili e përplasi personin u arrestua nga Policia dhe nga testet e kryera rezultoi në gjëndje të dehur.
