Mbrëmjen e sotme janë shënuar të shtëna me armë zjarri në Shkodër. Mësohet se është qëlluar në drejtim të një banese në lagjen “Skënderbeg” të kryeqendrës së Veriut. Ende nuk dihen rrethanat e ngjarjes, ndërkohë që mësohet se policia është nisur drejt vendit të ngjarjes. Pritet që të zbardhen detaje në momentet në vijim.
Policia e Shkodrës ka dhënë detaje mbi të shtënat me armë që u regjistruan në Shkodër. Sipas uniformave blu një person më makinë ka qëlluar me armë zjarri në ajër. Për pasojë redha e plumbit ka rënë në dritaren e katit të tretë të banesës së shtetasit P. S., 57 vjeç teksa raportohet se nuk ka të lënduar.
Grupi hetimor ka sekuestruar menjëherë pamjet e kamerave të rrugës, në të cilat dallohet drejtuesi i automjetit që ka qëlluar një herë me armë zjarri, në ajër.
Policia dhe Prokuroria vijojnë punën për identifikimin dhe kapjen e tij.
Kujtojmë se të tilla ngjarje për Shkodrën nuk janë të reja, pothuajse çdo muaj shënohen të shtëna e vrasje me armë zjarri.
Njoftimi i policisë:
Shkodër/Informacion paraprak
Më datë 14.12.2022, rreth orës 20:00, një shtetas ende i paidentifikuar, duke qarkulluar me automjet, në rrugën “Hilë Mosi”, në lagjen “Skënderbeg”, në ecje e sipër ka qëlluar një herë, me armë zjarri, në ajër.
