Një ngjarje e rëndë ka tronditur të gjithë Belgjikën mbrëmjen e sotme. Mediat belge kanë raportuar se një 24-vjeçare e infektuar me Covid-19, është gjetur e vdekur në banesën e saj.
Ende nuk janë bërë të ditura shkaktarët e vdekjes së 24-vjeçares, por sipas dyshimeve, e reja e identifikuar si Alison Jadin ka vendosur t’i japë fund jetës duke u vetëvrarë.
Ndërkohë policia ka nisur hetimet për të gjetur shkaqet, por miqtë e saj pohojnë se e reja ka shfaqur shenja depresive ditët e fundit.
24-vjeçarja mësohet se është shprehur se nuk mund ta përballonte një mbyllje të dytë për shkak të koronavirusit dhe kjo duket se është edhe pista kryesore e ngritur nga grupi hetimor.
Bëhet me dije se 24-vjeçarja kishte filluar gjatë verës një biznes parukerie, por mbyllja e pjesshme e penalizoi atë që të kishte sukses në biznesin e saj të saponisur./GazetaReforma.com/
