Një ngjarje e rëndë ka ndodhur në Tiranë gjatë mesidtës së sotme teksa mësohet se një i ri i ka dhënë fund jetës. 27-vjeçari me iniciale M.M. është vetëvrarë duke përdorur armë zjarri. Mësohet se personi që është vetëvrarë ka qenë në gjendje të rënduar psikologjike në momentin që ka kryer veprimin fatal. Ngjarja ka ndodhur rreth orës 13:30 në rrugën “Andon Zako Çajupi” në banesën e të riut. Grupi hetimor po punon për zbardhjen e rrethanave të ngjarjes, thuhet në njoftimin e policisë.
Njoftimi i policisë:
Tiranë/Informacion paraprak
Më datë 15.03.2021, rreth orës 13:30, në rrugën “Andon Zako Çajupi”, në banesë, në gjendje të rënduar psikologjike dyshohet se është vetëvrarë me armë zjarri shtetasi M. M., 27 vjeç.
Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë e rrethanave të ngjarjes.
Kjo është vetëvrasja e tretë që ndodh në vend gjatë ditës së sotme. Më herët një 39-vjeçare është hedhur nga lartësia e një pallati në Gjirokastër në gjendje të rënduar depresive , ndërsa një 75-vjeçar ka bërë po të njëjtën gjë në Përmet. Të dy personat kanë qenë në gjendje jo të mirë emocionale dhe fatkeqësisht të dy kanë ndërruar jetë në spital pasi u hodhën nga lartësitë.
