Një vrasje me armë zjarri ka tronditur ditën e sotme qytetin e Peqinit. Sipas informacioneve zyrtare nga Policia është gjetur i vrarë me armë zjarri në afërsi të lumit Shkumbin një shtetas 45-vjeç, i cili nuk është identifikuar ende.
“Në lagjen Çezmë, Peqin, në afërsi të lumit Shkumbin, është gjetur i vrarë me armë zjarri, në rrethana ende të paqarta, një shtetas rreth 45 vjeç, ende i paidentifikuar.”, njofton policia.
Mësohet se në vendngjarje kanë shkuar shërbimet e Policisë të cilat po vijojnë krehjen e zonës.
Gjithashtu nga të dhënat e para nga Prokuroria,dyshohet se 45-vjeçari është vrarë mëngjesin e kësaj të diele ose mbrëmjen e kaluar, por jo më herët. Ende nuk është bërë identifikimi i viktimës. Grupi hetimor, nën drejtimin e Prokurorisë së Rrethit Gjyqësor Elbasan, vijon punën për identifikimin e viktimës, zbardhjen dhe dokumentimin e rrethanave të ngjarjes
Peqin/ Informacion paraprak
Në lagjen Çezmë, Peqin, në afërsi të lumit Shkumbin, është gjetur i vrarë me armë zjarri, në rrethana ende të paqarta, një shtetas rreth 45 vjeç, ende i paidentifikuar.
Në vendngjarje kanë shkuar shërbimet e Policisë, të cilat vijojnë krehjen e zonës.
Grupi hetimor, nën drejtimin e Prokurorisë së Rrethit Gjyqësor Elbasan, vijon punën për identifikimin e viktimës, zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve.
