E rëndë në Mirditë, 48-vjeçarin e ekzekutojnë në sy të dy fëmijëve të tij

Google+ Pinterest LinkedIn Tumblr +

Dita e sotme nuk qenka aspak një ditë e qetë në Shqipëri. Pas ekzekutimit të një 23-vjeçari në fshatin Sulaj të Fierit një tjetër vrasje në Mirditë ka tronditur opinionin publik shqiptar.

Një 48-vjeçar, u ekzekutua me armë zjarri brenda automjetit të tij ditën e sotme në Mirditë. Viktima është identifikuar si Armando Gjini, i njohur edhe me emrin Tonin Gjini.

Ky i fundit është vrarë brenda në makinë dhe dëshmitarë të kësaj ngjarjeje kanë qenë edhe fëmijët e tij, të cilët ishn brenda automjetit.

Fëmijët e tij e kanë parë të atin të mbuluar nga gjaku. Mësohet se viktima e kishte ndaluar makinën, pasi bashkëshortja e tij kishte shkuar në një supermarket për të blerë ushqime.

Viktima së bashku me dy fëmijët e tij, kanë qenë duke e pritur, ndërkohë që kishin filluar të shtënat me armë.

Grupi hetimor në vendngjarje vazhdon hetimet për zbardhjen e plotë të rrethanave të ngjarjes. Janë ngritur pika kontrolli si dhe po bëhet krehja e zonës me qëllim kapjen e autorit.

Shpërndaje
Share.

Komento