Një ngjarje e rëndë ka ndodhur në Maliq ditën e sotme. Policia njofton se rreth orës 16:10, në spitalin e Korçës ka shkuar për ndihmë mjekësore një 39-vjeçar, banues në fshatin Shqitas. Ai ka qenë duke punuar tokën e tij me një mjet bujqësor tip frezë, ndërsa ka rënë në kontakt me një mjet shpërthyes (që dyshohet të ketë qenë granatë e vjetër). Si pasojë e shpërthimit, ai ka marrë dëmtime në dorë, por nuk dihen ende detaje të tjera në lidhje me gjendjen e tij shëndetësore. Aktualisht ai ndodhet në spital nën kujdesin e mjeëkve. Policia njofton se grupi hetimor ndodhet në vendin e ngjarjes dhe është duke punuar për të zbardhur rrethanat e plota që çuan në shpërthimin e granatës.
Njoftimi i plotë i policisë:
Maliq/Informacion paraprak
Më datë 16.05.2021, rreth orës 16:10, në Spitalin e Korçës, ka shkuar për ndihmë mjekësore shtetasi H. S., rreth 39 vjeç, banues në fshatin Shqitas, Maliq, i cili duke punuar tokën e tij me një mjet bujqësor tip frezë, ka rënë në kontakt me një mjet shpërthyes (dyshohet granatë e vjetër) ku për pasojë ky shtetas ka marrë dëmtime në dorë dhe ndodhet nën kujdesin e mjekëve.
Grupi hetimor po punon për të sqaruar rrethanat e ngjarjes.
