Në datën 9 korrik opinioni publik shqiptar u trondit nga historia e një vajze e cila përdhunohej në mënyrë sistematike për tre vite me radhë nga babai i saj. Përveç kësaj ai ushtronte dhunë çnjerëzore mbi trupin e saj, pasi vajza e kundërshtonte me të gjithë forcën.
Ky nuk është rasti i vetëm që do të dëgjomë këtë javë. Qendra Kombëtare për Mbrojtjen e fëmijëve ka denoncuar një rast përdhunimi në jug të Shqipërisë.
Sipas këtij denoncimi, një nxënëse 11-vjeçare është përdhunuar për tre vite me radhë nga mësuesi i saj.
Kjo ngjarje bëhet më e rëndë edhe për faktin se Gjykata e Gjirokastrës e ka dënuar mësuesin abuzues vetëm me detyrim paraqitjeje, ndërkohë që ai edhe është pezulluar nga detyra.
E mitura ende nuk ka marrë ndonje ndihmë psikologjike nga shërbimet sociale.
Qendra Kombëtare për Mbrojtjen e Fëmijëve ka dhënë alarmin dhe shprehet se është e patolerueshme sesi një akt i tillë nuk është dënuar nga instancat përkatëse.
Ngjarja ka mbetur në heshtje, pasi edhe vetë familjarët e të miturës nuk kanë dashur që lajmi të mari dheun.
