Një ngjarje e rëndë ka ndodhur mëngjesin e ditës së sotme në Torvaianica të Italisë.
Sipas mediave italiane dy persona të armatosur, qëllua me armë në drejtim të një burri që ndodhej mes turmës së pushuesve.
Sipas një rindërtimi fillestar të skenës së krimit nga ana e karabinierëve, dy burra mbërritën pranë plazhit por fytyrat e tyre nuk dukeshin pasi ata kishin vendosur maska.
Njëri prej tyre zbriti me armë në dorë, u fut në zonën e plazhit dhe gjuajti drejt një shtetasi me origjinë shqiptare, i njohur për policinë, i cili po e kalonte të dielën buzë detit.
Ende nuk ka informacione për identitetin e shqiptarit që u qëllua teksa pushonte pranë detit.
/GazetaReforma.com/
