Një ngjarje e rëndë është shënuar mëngjesin e sotëm në fshatin Fushë-Milot, ku një 78-vjeçar ka humbur jetën pasi u përfshi nga flakët ndërsa po digjte mbeturina në bahçen e tij.
Viktima është identifikuar si Demer Haxhiu. Sipas të dhënave paraprake, zjarri ka dalë jashtë kontrollit dhe ka kapluar trupin e të moshuarit, duke i shkaktuar djegie fatale.
Në vendin e ngjarjes kanë ndërhyrë shërbimet zjarrfikëse të Laçit dhe grupi hetimor, të cilët po punojnë për të zbardhur me detaje shkaqet dhe rrethanat e incidentit.
