Një ngjarje e pakëndshme ka ndodhur në Francë.
Bëhet me dije se një shqiptar i ka vënë flakën vetes.
Ngjarja ka ndodhur para Parlamentit Europian, në Strasburg.
Ndërkohë, identiteti i tij nuk është bërë me dije ende.
Mediat e huaja kanë shkruar se shqiptari ka qenë para Parlamentit rreth orës 16:00, kur është lyer me benzinë, duke u vetëdjegur.
Fatmirësisht, forcat e sigurisë kanë ndërhyrë menjëherë për të shpëtuar jetën e tij.
Ai është jashtë rrezikut për jetën, por nuk u ka shpëtuar plagëve në këmbë e duar.
Nuk dihen motivet që e kanë shtyrë atë drejt një vendimi të tillë, por policia frances po heton ngjarjen për zbardhjen e plotë të saj
