Një ngjarje e rëndë ka ndodhur mëngjesin e sotëm në Durrës. Rreth orës 08:50, në lagjen nr.14/1, Kënetë, në ambientet e një gomisterie ka ndërruar jetë një punëtor 20-vjeçar. I riu me iniciale R.T. ka qenë duke punuar e duke rregulluar një gomë kamioni, e cila ka shpërthyer. Si pasojë e shpërthimit 20-vjeçari është lënduar dhe ka ndërruar jetë duke mos mundur t’i mbijetojë dot plagëve të marra.
I riu ishte i punësuar në biznesin ku ndodhi ngjarja e rëndë, ndërsa ende nuk dihet se prej sa kohësh punonte aty. Ndërkohë, ende nuk janë bërë të ditura detaje të tjera rreth ngjarjes në fjalë dhe shkaqeve që mund të kenë çuar në incidentin me pasoja fatale ku humbi jetën i riu.
Ndërkohë, grupi hetimor ndodhet në vendngjarje dhe është duke punuar për zbardhjen e plotë të rrethanave të ngjarjes.
Njoftimi i plotë i Policisë së Shtetit:
Durrës/ Informacion paraprak
Më datë 06.07.2021, rreth orës 08:50, në lagjen nr.14/1, Kënetë, në ambientet e një gomisterie, duke rregulluar një gomë të një kamioni e cila ka shpërthyer, është lënduar shtetasi R. T., 20 vjeç, (punonjës), i cili si pasojë e plagëve të mara ka ndërruar jetë.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
