Një aksident i rëndë ka ndodhur mëngjesin e sotëm në qytetin e Durrësit, ku raportohet se fatkeqësisht ka humbur jetën një 60-vjeçar. Burimet zyrtare bëjnë me dije se ngjarja e rëndë është regjistruar mëngjesin e sotëm në autostradën Durrës-Tiranë. “Specialistët e Qarkullimit Rrugor në DVP Durrës, arrestuan në flagrancë shtetasin N. K., 71 vjeç, banues në Kavajë, pasi ditën e sotme, në orën 05:20, në autostradën Durrës-Tiranë, duke drejtuar mjetin tip “Benz””, thuhet në njoftimin zyrtar të Policisë.
Mësohet se 60-vjeçari me inicialet K.M..ka qenë duke kaluar rrugën, në momentin që është përplasur nga një mjet me drejtues një 71-vjeçar. Policia ka rrestuar në flagrancë shtetasin me inicialet N.K., banues në Kavajë. 60-vjeçari nuk ka mundur dot ti mbijetojë plagëve të marra dhe ka ndërruar jetë në vend. Gjithashtu mësohet se në vendin e ngjarjes kanë shkuar forcat e policisë dhe grupi hetimor të cilët po punojnë për zbardhjen e plotë të rrethanave të aksidentit. Trupi i të ndjerit është dërguar në morg, ndërsa drejtuesi i mjetit është shoqëruar në polici.
Njoftimi i Policisë
Specialistët e Qarkullimit Rrugor në DVP Durrës, arrestuan në flagrancë shtetasin N. K., 71 vjeç, banues në Kavajë, pasi ditën e sotme, në orën 05:20, në autostradën Durrës-Tiranë, duke drejtuar mjetin tip “Benz”, ka aksidentuar këmbësorin shtetasin K. M., 60 vjeç, i cili si pasojë e përplasjes ka ndërruar jetë.
