Një ngjarje e rëndë ka ndodhur në qytetin e Durrësit, ku një 29-vjeçare ka ndërruar jetë 5 ditë pas lindjes së fëmijës së dytë. Mësohet se e reja ka ndërruar jetë të hënën, ndërsa ishte duke pirë ujë.“Vajza ndërroi jetë të hënën pasdite ndërsa ishte duke pirë ujë” thanë fillimisht familjarët. Të afërmit e 29-vjeçares akuzojnë mjekët për ngjarjen e rëndë. “E keni sjellë vonë, na thanë mjekët”, ka treguar një nga të afërmit e të ndjerës.
Ardita Hersi, ka ndërruar jetë vetëm një ditë pasi kishte dalë nga materniteti i Durrësi, në rrethana shumë të paqarta për familjarët e saj. Gjithashtu të afërmit e saj kanë bërë denoncim në polici dhe janë në pritje të rezultateve të mjekësisë ligjore.
Në lidhje me ngjarjen e rëndë ka reaguar edhe policia, e cila në njoftimin zyrtar thotë se e reja ka mbërritur pa shenja jete në spitalin rajonal.
“Më datë 05.07.2021, rreth orës 20:00, jemi njoftuar se ka mbërritur pa shenja jete në spitalin rajonal Durrës shtetësja A. H., 29 vjeçe, banuese në Shkallnur.
Trupi i viktimës ndodhet në morgun e spitalit për t’iu nënshtruar një ekspertize mjeko ligjore më të specializuar“, thuhet në reagimin e policisë.
Materialet i kaluan Prokurorisë së Rrethit Gjyqësor Durrës për veprime të mëtejshme dhe grupi hetimor po punon për zbardhjen e ngjarjes.
