Një ngjarje e rëndë ka ndodhur në Berat, ku 66-vjeçari Ramo Sheroku ka goditur disa herë me thikë djalin e tij 32-vjeç Andrea Sheroku. Ngjarja ka ndodhur në lagjen “Dëshmorët e Kombit” në Berat. I ati 66-vjeçar i ka shkaktuar plagë të shumta në trup djalit, pas një konflikti në familje, motivet e të cilit akoma nuk janë të qarta.
32-vjeçari, në gjendje të plagosur është transportuar me ambulancë fillimisht në Repartin e Urgjencës në Spitalin Rajonal të Beratit dhe më pas i është nënshtruar një ndërhyrjeje kirurgjikale në Repartin e Kirurgjisë. Më pas i plagosuri është transferuar në Spitalin e Traumës Tiranë për ndihmë mjeksore më të specializuar.
Ndërkohë që materialet i kaluan Prokurorisë së Rrethit Gjyqësor Berat, për veprën penale “Plagosje e rëndë me dashje”.
Njoftimi i Policisë së Shtetit:
Nga specialistët e Seksionit për Krimet u bë arrestimi në flagrancë i shtetasit R.Sh., 66 vjeç, banues në Berat, pasi dyshohet se në banesë, pas një debati për motive të dobëta ka goditur mjet mprehës (thikë), në trup djalin e tij shtetasin A.Sh., 32 vjeç, banues në Berat.
Shtetasi A.Sh, pasi ka marrë ndihmë mjeksore në Spitalin Rajonal Berat, është transferuar në Spitalin e Traumës Tiranë për ndihmë mjeksore më të specializuar.
Materialet i kaluan Prokurorisë së Rrethit Gjyqësor Berat, për veprën penale “Plagosje e rëndë me dashje”.
