Pasditen e sotme Divjaka është tronditur nga një krim i rëndë në familje. Në fshatin Babunjë, Divjak dyshohet se një 58-vjeçar ka vrarë me armë gjahu në banesë bashkëshorten e tij dhe më pas ka vrarë veten.
Mësohet se dy viktimat janë Hekuran Rrasa dhe Fëllënxë Rrasa.
Grupi hetimor nën drejtimin e Prokurorisë së Rrethit Gjyqësor Lushnjë vijon punën për sqarimin e plotë të rrethanave të ngjarjes.
“Në fshatin Babunjë, Divjakë, dyshohet se shtetasi H. Rr., 58 vjeç, ka vrarë me armë gjahu në banesë bashkëshorten e tij, shtetasen F. Rr., 45 vjeçe dhe më pas ka vrarë veten.
Në vendngjarje është gjetur dhe sekuestruar në cilësinë e provës materiale arma e gjahut.
Grupi hetimor nën drejtimin e Prokurorisë së Rrethit Gjyqësor Lushnjë vijon punën për sqarimin e plotë të rrethanave të ngjarjes.”, thuhet në njoftimin zyrtar të Policisë.
Kujtojmë se pak ditë më parë një ngjarje e rëndë ndodhi në fshatinZhupan të Fierit, ku shtetasi Elton Metaj, vrau me kallashnikov, në banesën e prindërve të saj 23-vjeçaren, Sabrina Bengaj. Vrasja e Sbrinës ishte nëj vrasje eparlajmëruar, pasi 23-vjeçarja nënë e një fëmije ishte e paisur me urdhër mbrojtje. Gjykata e ka lënë në burg 31-vjeçarin, i cili në sallën e gjyqit u shfaq në gjendje të rënduar psikologjike dhe pranoi krimin e rëndë.
