Një automjet është përplasur me patrullën e “Shqiponjave” në lagjen nr. 4 të qytetit të Durrësit. Dy efektivë janë lënduar nga përplasje dhe janë dërguar në spital. Policët po udhëtonin me motor, kur u përlasën nga makina tip “Benz”, i drejtuar nga Shkëlzen Kraja, i cili po voziste me shpejtësi të lartë. Ndërkohë, drejtuesi i automjetit është shoqëruar në Polici, aty ku po mbahet aktualisht pa lëndime në trupin e tij.
Njoftimi paraprak i Policisë së Durrësit:
Durrës/ Informacion paraprak – Më datë 13.08.2021, rreth orës 12:10, në lagjen nr.4, Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim. Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve. Drejtuesi i automjetit po shoqërohet në ambientet e Policisë, për veprime të mëtejshme. Grupi hetimor po punon për zbardhjen dhe përcaktimin e shkakut të aksidentit”, shkruhej në njoftim.
Gjendja e policëve – Detaje të reja janë zbuluar nga aksidenti në Durrës, aty ku dy policë u lënduan. Një prej policëve është jashtë rrezikut për jetën, kurse tjetri është dërguar tek Trauma në Tiranë, pasi nga skaneri ka rezultuar me mpiksje gjaku në kokë…
