Një aksident i rëndë ka ndodhur në aksin rrugor Laç-Patok. Policia ka njoftuar se një mjet tip “Benz”, i drejtuar nga një 21 -vjeçar, ka përplasur një bashkëmoshatar i cili ishte duke udhëtuar me motor.
I plagosuri është nisur me urgjencë drejt spitalit të Traumës në Tiranë, ndërsa 21-vjeçari që ishte drejtuesi i “Benzit” është shoqëruar në Komisariatin e Policisë. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave që ka ndodhur ngjarja.
Informacion paraprak
Në aksin rrugor Laç-Patok, në afërsi të një karburanti mjeti tip “Benz” me drejtues shtetasin A.Z.,21 vjeç është përplasur me mjetin motor me drejtues shtetasin T.N.,21 vjeç, i cili ka marrë dëmtime dhe është transportuar në spitalin e Traumës Tiranë.
Drejtuesi i mjetit tip “Benz” shtetasi A.Z., është shoqëruar në Komisariatin e Policisë Lezhë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
