Një ngjarje e rëndë ka ndodhur në një fshat të Devollit, ku një i ri 20-vjeçar ka abuzuar seksualisht me një 43-vjeçare që ishte me aftësi mendore të kufizuara. Policia ka bërë të mundur arrestimin e të riut me iniciale K.K, banues në një fshat të Njësisë Administrative Miras. Akuza që rëndon ndaj tij është ajo për “Marrëdhënie seksuale ose homoseksuale me persona të pazotë për t’u mbrojtur”.
Policia njofton se materialet i kanë kaluar Prokurorisë pranë Gjykatës së Shkallës së Parë Korçë për veprime të mëtejshme hetimore për veprën penale të përmendur më sipër. Më shumë detaje nga ngjarja e rëndë nuk janë bërë të ditura, ndërsa ishin ishin Specialistët për Hetimin e Krimeve në Komisariatin e Policisë Devoll ata që kanë bërë të mundur arrestimin e të riut 20-vjeçar.
Njoftimi i plotë i policisë:
Devoll
Specialistët për Hetimin e Krimeve në Komisariatin e Policisë Devoll, bënë ndalimin e shtetasit K. K., 20 vjeç, banues në një fshat të Njësisë Administrative Miras, pasi dyshohet se ky shtetas, ka kryer marrëdhënie seksuale me një 43-vjeçare, me aftësi mendore të kufizuar.
Materialet i kaluan Prokurorisë pranë Gjykatës së Shkallës së Parë Korçë për veprën penale “Marrëdhënie seksuale ose homoseksuale me persona të pazotë për t’u mbrojtur”.
