Një ngjarje e rëndë ka ndodhur në Sarandë ku një 55-vjeçar nuk është duke u gjetur, pasi ka rënë në lumin e Bistricës.
Që prej ditës së djeshme kanë nisur kërkimet, por ende pa asnjë dritë jeshile. Nga ajo që mësohet nga dëshima e djalit të tij, 15-vjeçar, i cili ka qenë duke e shoqëruar, i ati ndodhej nën efektin e pijeve akoolike.
Mësohet se 55-vjeçari së bashku me të birin ka qenë duke kaluar në rrugë për të shkuar në fshatin Çukë.
Burime nga policia bëjnë me dije se ende nuk ka mundur që të gjejë trupin e tij.
Njoftimi i plotë:
Sarandë
Më datë 12.05.2019, rreth orës 17:40, shtetasi A.Sh., 55 vjeç, banues në Çukë, dyshohet se duke kaluar nga fshati Çukë për në fshatin Berdenesh ka rënë në lumin e Bistricës.
55 vjeçari ka qenë nën shoqërinë e djalit të tij 15-vjeçar i cili ka deklaruar se babai i tij ka qenë gjithashtu nën efektin e pijeve alkoolike.
Duke filluar që prej ditës së djeshme kanë filluar kërkimet por akoma nuk është gjetur trupi i 55 vjeçarit.
Po punohet për gjetjen e tij.
