Një ngjarje e pazakontë ka ndodhur ditën e sotme në Klinikën e Ortopedisë në Qendrën Klinike Universitare të Kosovës. Kjo pasi gjatë kohë që mjekë kanë qenë në sallën e opercionit është ndalur energjia elektrike.
Për të mos e lënë në mes këtë punë, mjekët dhe infermierët kanë vazhduar operacionin me ndihmën e dritës së telefonit. Ortopedi në këtë klinikë, Sami Delijaj, ka treguar për Express se sot rreth orës 09:30, derisa ka qenë duke e operuar një pacient, është ndërprerë rryma në klinikë. Ai ka treguar se përkundër ndërprerjes së rrymës, ai bashkë me kolegët e tjerë kanë vazhduar operacionin, i cili ka rezultuar me sukses.
“Unë kam qenë sot në sall të operimit. Rreth orës 09:30 është ndërprerë energjia elektrike. Ne nuk kemi pas ndonjë problem, e kemi pas nën kontroll gjendjen. Nuk është mirë të ndalet energjia, por ne e kemi kryer operacionin me sukses”, ka thënë ai.
Ky nuk është rasti i vetëm kur është ndalur energjia elektike në Qendrën Klinike Universitare të Kosovës. Mjeku Delijaj ka thënë se raste të tilla kanë pasur edhe mëherët, por që nuk kanë qenë të shpeshta. Duket një rast i pazzakontë, por ja që ndodh dhe rasti konkret është në Kosovë.
