Një pjesë e komisariatit të Elbasanit është përfshirë nga zjarri këtë pasdite. Autor mësohet të jetë një i ri i cili ka aktivizuar zjarrin në dritaren e zyrës së ankesave për qytetarët. Brenda kanë qenë dy punonjës. Paraprakisht bëhet me dije se bëhet fjalë për një 32-vjeçar që ka qenë i dehur dhe kishte probleme me shëndetitn mendor.
I riu sapo ishte kthyer nga Franca dhe nuk ka pasur probleme me policinë. 32-vjeçari, nga fshati Mollas ka spërkatur fillimisht me benzinë vendin dhe i ka vënë zjarrin. Ai është ndaluar nga policia dhe është marrë në pyetje, teksa më pas është shoqëruar për ndihmë mjekësore pasi ka marrë disa plagë e ka pësuar djegie në trup.
Autori i ngjarjes së ndodhur pasditen e sotme në komisariatin e Elbasanit është Aurel Latifi, një 32 vjeçar i kthyer nga Franca me probleme depresioni. Sipas policisë nuk ka pasur probleme me policinë, por pa asnjë shkak ka spërkatur me benzinë pjesën jashtë të sportelit duke i vënë flakën duke rrezikuar punonjësin e shërbimit.
Njoftimi i policisë:
Elbasan/Informacion paraprak
Rreth orës 18.30, shtetasi A. L., 33 vjeç, banues në Elbasan, ka hedhur një shishe me lëndë djegëse te zyra e informacionit në Komisariatin e Policisë Elbasan, të cilën e ka ndezur dhe është larguar me vrap.
Efektivët e Policisë menjëherë kanë fikur zjarrin dhe kanë kapur autorin e dyshuar i cili, nga veprimet paraprake dyshohet se vuan nga probleme të shëndetit mendor.
Nën drejtimin e Prokurorisë grupi hetimor po punon për sqarimin e rrethanave të ngjarjes dhe kryerjen e veprimeve procedurale për veprën penale “Shkatërrim i pronës me zjarr”.
