Një ngjarje e rëndë u regjistrua mëngjesin e sotëm në Lushnje.
Biznesmeni Besmir Hida u ekzekutua në lokal, teksa po pinte kafen e mëngjesit.
Mësohet se Hida ishte daja i Zamir Latifit, i cili u eliminua dy vitë më parë, në atë që njihet si masakra e Lushnjes.
Gazetari inveastigativ, Artan Hoxha, tregon se krimi i sotëm u krye nga e njëjta dorë, që i mori jetën Latifit.
Sipas Hoxhës, para se ta ekzekutonin, Besmirit i vunë eksploziv në banesë, që të largohej bashkë me familjen jashtë vendit.
Gazetari përmbyll duke thënë se Lushnja po mbahet peng nga një grup kriminal me lidhje shumë të forta.
Zamir Latifi ishte një nga viktimat e atentatit të 11 tetorit të 2017-ës.
Ai ndodhej në lokal së bashku me viktimën tjetër, Jurgen Hoxhën.
Shënjestra e autorëve ishte Xhuloi Shkurti, nip i Aldo Bares, që në atë moment nuk ndodhej në lokal.
Si pasojë e plumbave u plagosën edhe pronari i lokalit, Marius Xhepexhiu, si edhe një kalimtar.
Menjëherë pas vrasjes, autorët, Laert Haxhia dhe Orges Bilbili, hipën në një mjet tip “Benz”, duke u larguar me shpejtësi nga vend i ngjarjes.
Postimi i plotë i Artan Hoxhës:
E njejta dorë, të njëjtët vrasës, e njejta skenë krimi, të njëjtat batare kallashnikovësh mban nën terror për 3 vite në radhë qytetin e qetë me njerëz punëtorë të Lushnjës….
Besmir Hida, 40 vjeç baba i dy femijëve, është viktima e radhës. E kam takuar disa herë gjatë këtyre dy viteve, kërkonte drejtësi për vrasjen e nipit Zamir Latifit, i ekzektuar me 11 tetor 2017 në atë që njihet si masakra e Lushnjes…
Para se ta ekzekutonin Besmirit i vendosën eksploziv në banëse që të largohej bashke me familjen jashte vendit.
Besmiri besoii te drejtesia dhe ky shtetit dhe sot është viktima e radhës e një grupi të organizuar kriminal me lidhje shumë të forta që po mban nën kontroll me dore të hekurt qytetin agrobujqesor më të rëndësishem në vend.
