Një aksident automobilistik është regjistruar gjatë ditës së sotme në aksin rrugor “Korçë-Bilisht”, pranë fshatit Miras.
Si pasojë e aksidentit është plagosur një 75-vjeçare me iniciale Gj.H., banuese në fshatin Poloskë në Devoll.
Kjo e fundit u transportua me urgjencë në spital dhe ndodhet në gjendje të rëndë shëndetësore.
Mjeti tip ‘Benz’, që përplasi të moshaurën, drejtohej nga 36-vjeçari me iniciale V.H.
Ky i fundit ndodhet në Komisariatin e Korçës, ku po merret në pyetje.
Një grup hetimor është ngritur, për të zbardhur rrethanat e aksidentit.
Njoftim i Policisë:
Më datë 29.10.2019, në aksin rrugor Korçë-Bilisht, pranë fshatit Miras, shtetasi V.H, rreth 36 vjeç, banues në fshatin Sul, Devoll, duke drejtuar një automjet tip “Benz”, ka aksidentuar shtetasen Gj.H, rreth 75 vjeçe, banuese në fshatin Poloskë, Devoll, këmbësore në rrugë, e cila u transportua në Spitalin e Korçës, aktualisht në gjendje të rëndë shëndetësore.
Drejtuesi i mjetit shtetasi V.H, ndodhet i shoqëruar në Komisariat, ku po kryhen veprimet e mëtejshme.
Grupi hetimor po punon për zbardhjen e rrethanave të ngjarjes.
