Një ngjarje e rëndë është regjistruar në Tiranë, ku një vajzë 16-vjeçare është përndjekur nga dy persona, mes tyre edhe një i burgosur.
Sipas njoftimit të Policisë, hetimet kanë nisur në Komisariatin nr. 5 ndaj shtetasit J. Ll., i cili ndodhet aktualisht në burg, ndërsa materialet janë referuar në Prokurori edhe për të miturën.
E reja, e tronditur psikologjikisht nga përndjekja, është vetëdëmtuar lehtë me një mjet prerës gjatë deklarimit për ngjarjen në polici. Në gjendje të tensionuar, ajo ka goditur edhe një punonjëse të Policisë së Shtetit.
“Punohet për identifikimin dhe kapjen e shtetasit tjetër që dyshohet se ka përndjekur të miturën, si dhe për sqarimin e plotë të rrethanave të rastit,” thuhet në njoftimin zyrtar të policisë.
