Ai punonte në një prej hoteleve më të mira në atë që njihet si “perla” e turizmit grek, por e shpërdoroi këtë mundësi dhe tani do të vuaj pasojat.
Policia greke ka zbuluar vrasjen e një pronari hoteli në Santorini, siç raportojnë mendiat vendase.
Trupi i 69-vjeçarit grek Nikos Xalari, u zbulua ditë më parë i dekompozuar nga zjarri. Policia greke zbuloi se autor i ngjarjes ishte punonjësi 20-vjeçar shqiptar i Hotelit “Nikos Villas”.
Shqiptari kishte debatuar dhe më pas kishte qëlluar pronarin e tij, për një borxh prej 200 eurosh.
Më pas e kishte lyer trupin me vodka dhe i kishte venë zjarrin. Ai nuk kishte marrë orën e shtrenjtë nga dora e tij, e as kishte ngacmuar kasafortën pasi sipas tij, nuk kishte qëllim të grabiste, por të merrte vetëm borxhin që pronari i kishte, mësohet të ketë thënë ai në polici.
I riu tani do të vuaj pasojat e këtij krimi të bërë në gjaknxehtësi e sipër, gjë e cila do t’i kushtojë një dënim të gjatë pasi të dalë në gjyq.
/GazetaReforma.com/
