Ministrja e Shëndetësisë, Ogerta Manastirliu ka komentuar ditën e sotme në një konferencë shtimin e rasteve me koronavirus në vendin tonë. Sipas ministres, kjo rritje e numrave mund të jetë si pasojë e hyrjes së varianteve të reja të COVID-19. Manastirliu ka konfirmuar atë që ka thënë kryeministri Rama, duke thënë se në laboratore ka sinjale se mund të kenë hyrë variantet e reja. Ministrja ka bërë me dije se spitalet janë të zëna në 70% të kapacitetit të tyre. Gjithashtu ministrja ka bërë thirrje të respektohen masat pasi po infektohen masivisht moshat e reja dhe për këtë duhet rritur vigjilenca.
“Vërehet se në javët e fundit ka një trend të lartë të rasteve të konfirmuara me Covid 19. Rritja e rasteve mund të lidhet edhe me variantet e reja të Covid. Sinjalet kanë ardhur nga laboratorët tanë për variante të reja. Spitalet janë të zëna në masën 70%, pra kemi kapacitete, nuk janë të mbingarkuara. Esencial mbete zbatimi i masave. Alert i shtuar mbetet zbatim i protokolleve te sigurisë nepër biznese, institucione.
Javët e para të këtij viti kemi një incidencë të shtuar dhe lidhet me grupmoshat e të rinjve. Mosha mesatare e të prekurve është 47.8 vjeç. Prandaj duhet të rrisim vigjilencën”,- tha Manastirliu.
