Kanë kaluar 16 vite nga vrasja e shqiptarit Erion Murati në Rene të Francës.
Edhe pse kanë kaluar kaq shumë vite nga ekzekutimi i 27-vjeçarit, drejtësia franceze ka nxjerrë në bankën e të akuzuarve të vetmin person të arrestuar Eduart Pelushin. Ky i fundit ka qenë biznesmen që në vitin 2010 u arrestua në Shqipëri me 8 kg kokainë, por u lirua për t’u prangosur në Spanjë, atje ku edhe 46-vjeçari po kalonte pushimet.
Vrasësi i dytë, Ndriçim Hoxha, 48 vjeç, është në kërkim, ndërsa autori i tretë, Fatjon Naxhaku, pjesë e bandës së “Rrugës së Kavajës” është ekzekutuar në vitin 2005 Tiranë dhe besohet se u vra nga Domart Konjari, si hakmarrje për eliminimin e Muratit në Francë.
