Një ngjarje e rëndë ndodhi mbrëmjen e djeshme në Korçë. Një 57-vjeçar u ekzekutua me armë në shtëpinë e tij. Viktima Gramoz Nako u gjet i mbuluar me gjak nga bashkëshortja e tij kur ishte kthyer në shtëpi.
Gramoz Nako jetonte në një apartament në lagjen nr.7 të qytetit së bashku me bashkëshorten.
Policia ka gjetur dy gëzhoja në trupin e viktimës dhe një tjetër pranë trupit të tij. Baba i dy fëmijëve, i cili kishte jetuar prej vitesh në USA, 2 ditë më parë më parë ishte kthyer nga pushimet në Turqi.
E pak orë pas ngjarjes mësohet se është vetëvrarë kunati i tij Sefedin Zenellari, 63-vjeç. Mësohet se 63-vjeçari ka vrarë veten me armë zjarri. Nuk dihen ende rrethanat e ngjarjes, që e shtynë Zenelarin të bënte një akt të tillë.
57-vjeçari Gramoz Nako u vra mbrëmjen e djeshme nga disa persona, të cilët hynë në banesën e tij për të vjedhur. Nako më parë ka jetuar në SHBA dhe kishte vetëm dy ditë që ishte kthyer nga pushimet në Turqi.
Ai u gjet i mbuluar në gjak nga gruaja e tij Natasha Nako, pasi kishte marrë dy plumba në trup.
