Pak ditë më parë, 34-vjeçari Eri Zefi, u gjet i vrarë në një kanal, në Zallë Xhuxhë të Fanit në Mirditë.
“Report Tv” ka siguruar ekspertizën mjeko-ligjore, në të cilën thuhet se i riu ka marrë 4 plumba në kokë dhe 2 në gjoks.
Ndërkohë në trupin e tij, nuk janë konstatuar shenja dhune.
Përsa i përket vrasjes, rezulton të ketë ndodhur gjatë natës, pikërisht në vendin ku u gjet trupi i viktimës.
Kjo gjë konfirmon faktin, se autorët për të humbur gjurmët, për shkak të terrenit, e kanë çuar të riun në vendin ku gjet i vrarë dhe më pas e kanë ekzekutuar.
Hetuesit nuk kanë gjetur ende gëzhoja në vendngjarje, çka e bën më të vështirë punën e tyre.
Trupi i Eri Zefit, u zbulua nga një banor i zonës, i cili njoftoi menjëherë policinë.
Pista kryesore e hetimeve është ajo e gjakmarrjes, pasi vëllai i Eri Zefit, Ndue Zefi, vrau komshiun e tij, Martin Ndreca për shkaqe banale.
