Karabinierët e Raguzës në Itali, kanë vënë në pranga një 20-vjeçar shqiptar me iniciale H.S. për dhunë në familje.
Ky i fundit dhunonte prej vitesh bashkëshorten e tij, me të cilën kishte edhe një vajzë.
Epsodi i fundit u regjistrua të shtunën, ku shqiptari e goditi 20-vjeçaren me shkelma, grushte si dhe e kafshoi në kokë.
E gjithë skena u regjistrua në sy të vajzës së tyre 2 vjeç, shkruan “Ragusa news”.
Si pasojë e dhunës barbare, e reja përfundoi me plagë të shumta.
Menjëherë karabinierët e dërguan 20-vjeçaren në një qendër shëndetësore, ndërsa shqiptarit iu vunë prangat.
Më pas e reja dhe vajza e saj u transportuan në spital, ku mjekët vunë re trauma nga më të ndryshmet.
Ajo më pas u tregoi hetuesve torturat e shqiptarit, i cili e ndalonte të dilte vetëm nga shtëpia, si dhe e detyronte të flinte në një dhomë të veçantë larg nga vajza e saj, pa përmendur edhe dhunën e vazhdueshme, të padenoncuar më parë.
