Të qenurit mjek/e është padyshim një nga profesionet më humane dhe këtë tezë e kanë provuar së fundmi mjekët kinezë.
Ata po u qëndrojnë pranë të prekurve nga Coronavirusi, i cili po përhapet çdo ditë e më shumë.
Mirëpo, pagjumësia dhe lodhja duket se i kanë ‘tjetërsuar’ mjekët në provincën e Wuhanit, të cilët qëndrojnë natë e ditë pranë të prekurve.
Së fundmi, po qarkullojnë disa foto në rrjetet sociale, ku shihen mjekët me shenja në fytyrë për shkak të maskave dhe veshjeve të rënda që veshin për tu mbrojtur nga virusi.
Sipas mediave vendase, mjekët e provincës lindore të Kinës, Hubei, qëndojnë gjatë gjithë kohës në shërbim, madje edhe gjumin e bëjnë në dyshemenë apo karriget e spitalit.
Po ashtu, shtojnë se at nuk kanë kohë as të hanë dhe as të ndërrohen.
Këtë të enjte numri i të prekurve nga virusi ka shkuar rreth 25 mijë, ndërsa janë shkaktuar rreth 490 viktimave.
Organizata Botërore e Shëndetit ka shpallur gjendjen e emergjencës botërore për shkak të shpejtësisë me të cilën po përhapet Coronavirusi.
Nga ana tjetër, shumë vende të tjera kanë mbyllur kufinjtë me Kinën në mënyrë që të shmangin përhapjen e këtij virusi vdekjeprurës.
