Tezja e Martin Canit ka folur mes lotësh në protestën e organizuar për vrasjen e 14-vjeçarit nga bashkëmoshatari i tij me iniciale M. P., pranë derës së shkollës Fan Noli mesditën e 18 Nëntorit.
Në protestën që u zhvillua përpara ministrisë, tezja e Martin Canit, e shoqëruar nga një e afërme, shprehu dhimbjen e saj të thellë. Ajo, në një gjendje të rënduar emocionale, humbi ndjenjat dhe u detyrua të dërgohej me ambulancë për të marrë ndihmën e parë mjekësore.
Mes lotësh dhe emocionit, ajo tha përpara kamerave:
“E çuam në shkollë dhe jo në luftë që të na e therin. Nuk më gjen gjë. Gjithë bota ka mbajtur zi për të, jo vetëm Shqipëria. Ç’më duhet uji, ka katër ditë që Martini nuk pi ujë.” Fjalët e saj pasqyronin dhimbjen e pashuar dhe dëshpërimin për humbjen e nipit të saj.
