Mbledhja e grupit parlamentar të Partisë Demokratike nisi rreth orës 19:00 dhe ka zgjatur rreth dy orë, Në këtë mbledhje nuk mungoi dhe debati ndërmjet Bashës dhe Bylykbashit pasi ky i fundit e akuzoi Bashën se ka bërë pazare me Ramën për zgjatjen e vetingut dhe reformën territoriale.
Report Tv ka bërë të mundur zbardhjen e debatit ku mësohet se Bylykbashit i është kërkuar sqarim lidhur me një status të tij ku thotë se ka patur pazar mes Bashës e Ramës për vettingun dhe reformën territoriale.
Ndërkohë edhe Flamur Noka ka debatuar me Bashën duke rikthyer çështjen e largimitë t ëish-kryeministrit Berisha në diskutimet e mbledhje së PD-së.
Kujtpjmë se një ditë më parë deputeti i PD-së, Oerd Byykbashi reagoi me një postim në rrjetin e tij social “Facebbok”, ku hodhi akuza të forta kundrejt kryedemokratit Lulzim Basha se po bën pazar me Ramën në lidhje me çështjen e zgjatjes së afatit të Komisionit të Pavarur të Kualifikimit për vettingun e gjyqtarëve në këmbim me Reformën Territoriale që duan demokratët.
PD kërkon një reformë të re territoriale dhe synon shtimin e numrit të bashkive në vend, ndërsa PS nga ana tjetër kërkon zvogëlim të tyre. Por sipas Bylykbashit, Basha po bën marrëveshje që të shtojë disa bashki në hartë, ku shpreson se mund të shtojë votat e demokratëve dhe në këmbim do i jap votat e nevojshme qeverisë që i duhen për të shtyrë afatin e vetingut.
Deputeti demokrat shkruante se Rama dhe Basha po luajnë si tregti me kuajt, kur në fakt opozita duhet të fokusohet në ndryshimin e një sistemi të ri zgjedhor që të mund t’i garantojë asaj votën e lirë. Bylykbashi është një nga deputetet që ka “braktisur” Bashën duke iu bashkuar ish-kryeministrit Berisha në foltoren e Durrësit.
Diskutimet në mbledhjen e Kryesisë së grupit të PD-së
Lulzim Basha: Oerd ke ti ofertë për çështjen e vetingut?
Oerd Bylykbashi: Ato lloj insinuatash tërhiqi kryetar. Unë po përsërisja një qëndrim që ta kam thënë në grup parlamentar, para dy javësh. Unë e kisha për Ramën atë postim. Qëndrimi im është në parim. Duhet të ishte këtu kryetari i grupit i ngarkuar për vetingun i cili më ka kontaktuar mua ditën e enjte dhe i kam thënë kujdes se nuk është interesi ynë. Rama e di shumë mirë çfarë do, se e thotë në publik. Unë ka thënë Rama ofron pazar, nuk kam thënë që ka marrëveshje PD. Unë ta kam thënë në grup, ne na duhet sistemi zgjedhor, reforma zgjedhore, reforma territoriale dhe pastaj vetingu. Unë e kam thënë publikisht, ne na duhet një strategji për të gjitha reformat. Bateritë e partisë u turren ndaj meje, është një reagim i ulët nga partia Demokratike ndaj meje.
Lulzim Basha: A di ti Oerd nëse dikush në parti ka marrë një propozim; më jep vetingun të të jap reformën territoriale?
Oerd Bylykbashi: Nëse ndodh kryetar, është një thikë pas shpine për demokratët. Është pazar i ofruar publikisht.
Flamur Noka: Po t’i referohemi demokracisë gjermane, dha dorëheqjen ai në Gjermani. Po ti referohemi demokracisë gjermane, ti duhet të kishe dhënë dorëheqjen dhe të kishe ikur.
Lulzim Basha: Dëgjoj akuza ordinere që po i bëj presione bazës. Qeverisja 8 vjeçare e PD ka pasur pjesën e vet të mirë dhe ka pasur edhe llumin.
Flamur Noka: Na thuaj cilin ke prioritet, sistemin, reformën zgjedhore apo territoriale.
Lulzim Basha: Prioriteti im është vetëm një; Largimi një orë e më parë i qeverisë Rama. Unë u kam ngarkuar detyra lidershipit të partisë për secilën reformë.
