Personi që shihni në foto është Aurelio Dervishi, 18-vjeçari që u vra mbrëmjen e djeshme në Shkozë. Dyshohet se shkak është bërë sherri me një grup të rinjsh për një vajzë. Policia ka shoqëruar, F. Sh., 20 vjeç, dhe tre të mitur të moshës 16 vjeç, 16 vjeç, një 15 vjeç, ndërsa po punohet për dokumentimin e plotë të ngjarjes.
Çfarë dimë deri më tani për ngjarjen?
Ngjarja e rëndë ka ndodhur mbrëmjen e djeshme rreth orës 21:50, te rrethi i Shkozës. Autorët i kanë bërë shenjë makinës ku lëvizte viktima, Aurelio Dervishi, si pasagjer që të ndalonte, por shoferi nuk është bindur.
Më pas ata kanë zbritur nga mjetet dhe janë përplasur fizikisht, duke qëlluar dy herë me thikë në gjoks 18-vjeçarin. Të rinjtë dyshohet se janë larguar në drejtim të Unazës Lindore me një mjet tip ‘Tiguan’ dhe kanë përfunduar sot në pranga.
