Një 45-vjeçar u gjet i vrarë mëngjesin e sotmë pranë lokalit të tij, në fshatin Mborje të Korçës.
Familjarët e Flamur Ducit thanë për “Balkanweb”, se ai është goditur me thikë afër zemrës dhe është tentuar më pas t’i vihet zjarri.
Ata dyshojnë se shak për vrasjen është hasmëria.
“Oh ç’i kanë bërë. E kanë bërë me nge. E kanë çarë me thikë dhe i kanë djegur kokën. Pupu ç’i kanë bërë. I vuajtur tërë jetën. Në 6 të mëngjesit e kanë vrarë. Trupi ishte jashtë marketit, ishte çarë me thikë. Besoj se është hasmëri që e kanë goditur me thikë dhe e kanë djegur”, tha një nga të afërmet që qëndron jashtë morgut të spitalit të Korçës
Mësohet se 45-vjeçari është baba i dy vajzave.
Ai ishte divorcuar dhe jetonte vetëm prej disa vitesh.
Autorët ende nuk janë identifikuar nga policia.
Kjo e fundit po heton në pistat e grabitjes, por edhe konflikteve brenda familjes.
