Numri i të prekurve nga COVID-19 po rritet me shpejtësi në vendin tonë.
Në disa qytet pati shtim të rasteve, si në Lushnje ku numri i të prekurve u dyfishua duke shkuar në 4.
Dy rastet e reja në Lushnje janë nënë e bir.
Djali pas ardhjes nga Italia, i ka ngjitur koronavirusin edhe nënës së tij.
Kujtojmë se në Lushnje është regjistruar edhe një nga viktimat e koronavirusit, një 66-vjeçar i cili ndërroi jetë te spitali Infektiv.
Bilanci i COVID-19 në vendin tonë ka shkuar në 124 të prekur, në mesin e të cilëve 5 viktima dhe 10 të shëruar.
Në spitalin Infektiv ndodhen 57 pacientë, dy prej të cilëve në terapi intensive, ndërsa pjesa tjetër janë në pavion në gjendje të stabilizuar.
Harta e qyteteve të prekura në vend sa vjen e zgjerohet, ku ditën e sotme është shtuar Lezha, Hasi dhe Berati.
Në disa qytete, numri të prekurve është dyfishuar dhe trefishuar.
Shpërndarja gjeografike e rasteve pozitive, është si vijon:
- Tiranë 72 qytetarë
• Durrës 8 qytetarë
• Lushnje 4 qytetarë
• Elbasan 2 qytetarë
• Fier 12 qytetarë
• Rrogozhinë 2 qytetarë
• Kavajë 4 qytetarë
• Korcë 9 qytetarë
• Vlorë 4 qytetarë
• Shkodër 2 qytetarë
• Lezhe 1 qytetarë
• Berat 1 qytetarë
• Has 2 qytetarë
Autoritetet ndërkohë vijojnë me thirrjet për respektimin e rregullave të higjienës, distancimit sociale dhe kufizimin e daljeve nga shtëpitë.
