Dy aksidente kanë ndodhur brenda pak minutash në Tiranë ditën e sotme. Policia njofton se një kamion ka përplasur një person që lëvizte me biçikletë në rrugën “Jordan Misja”,ndërsa një makinë ka aksidentuar një fëmijë 8 vjeçar tek rrethrrotullimi i “Komunës së Parisit”. Ngjarja mësohet të ketë ndodhur rreth orës 13:55, ku drejtuesi i mjetit shtetasi E.K., rreth 37-vjeç, ka asidentuar biçiklistin shtetasin me inicialet G.R., rreth 60-vjeç. Ndërsa aksidenti i dytë ndodhi në zonën e Komunës së Parisit, ku mjeti me drejtues shtetasen S.P., 36-vjeçe, ka aksidentuar një fëmijë me inicialet E.DH., rreth 8-vjeç. Të dy të plagosurit janë dërguar në spital për ndihmë mjekësore dhe mësohet se janë jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i Policisë
Rreth orës 13:55, në rrugën “Jordan Misja” mjeti kamion me drejtues E. K., rreth 37 vjepç, ka aksidentuar biçiklistin shtetasin G. R., rreth 60 vjeç, i cili ndodhet në spital, nën kujdesin e mjekëve.
Rreth orës 14:15 , tek rrethrrotullimi i “Komunës Parisit”, mjeti me drejtuese shtetasen S. P., 36 vjeçe, ka aksidentuar një fëmijë me iniciale E. Dh., rreth 8 vjec, i cili ndodhet në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjeve.
