Durrës/ Vritet me armë zjarri një 32-vjeçar, nuk dihen ende autorët. Emri…

Google+ Pinterest LinkedIn Tumblr +

Policia e Durrësit ka njoftuar pasditen e sotme se një ngjarje e rëndë është shënuar. Një 32-vjeçar është qëlluar me armë zjarri duke mbetur i plagosur dhe më pas ka ndërruar jetë në spital.

Sipas policisë vrasja ka ardhur si pasojë e një konflikti të çastit. Uniformat Blu kanë ngritur postoblloqe dhe janë duke hetuar për të gjetur autorët.

Fillimisht u bë me dije se ai kishte mbetur i plagosur teksa më vonë u bë me dije se kishte ndërruar jetë.

Viktima bëhet me dije se është Jetmir Bregu dhe ngjarja ka ndodhur në lagjen nr.16 të qytetit bregdetar të Durrësit.

Njoftimi i Policisë:

Durrës/Informacion paraprak

Më datë 24.01.2021, në orën 17: 20, në lagjen nr.16, Durrës, pas një konflikti të çastit dyshohet se është plagosur në këmbë, me armë zjarri shtetasi J. B., 32 vjeç, i cili ndodhet në spital nën kujdesin e mjekëve.

Në ambientet e Policisë janë shoqëruar disa shtetas të cilët ndodheshin në vendin e ngjarjes.

Nga ana e Policisë janë ngritur disa pika kontrrolli dhe po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit.Informacion shtesë.

Ju njoftoj se shtetasi i plagosur J. B., ndërroi jetë në urgjencën e spitalit rajonal Durrës.

Shpërndaje
Share.

Komento